移民？你真的了解嗎？
依家係6月12日晚上23:00 , 今日由早上09:00 一直忙到依家，到咗晚上就開始一邊睇直播新聞一邊工作，雖然好攰但成個人好火滾，火滾到根本唔想休息，所以不如係度分享一下自己對近期好多人想移民台灣既睇法。
呢排每日早上0730香港同事on the way 返緊公司時已經係whatsapp 群組分配每日工作，主要都係好多朋友想為自己移民台灣作出了解及安排，而每天online 約面談既朋友，好多都已經係呢個FB專頁裡面，大家都對里奧既背景亦已經有一定了解，唔會太陌生。
Online會面通常打完招呼之後就會開始問里奧問題，有唔少朋友仲寫定一張question list ，做定曬功課希望尋求佢地想知既答案，放心，只要里奧知道既都會一一解答。
最近多咗專業人仕朋友約面談，原因都係因為公司幫佢地辦理緊專才移民申請，問既問題都係在地生活事，亦有朋友想要了解投資環境，畢竟如果自己唔係專業人仕，要移民台灣就只能做生意，投資移民又好，創業家簽證也好，都要營運生意嚟滿足移民條件。
但............
你…真係已經ready ?
點解咁講呢？里奧都好明白想移民朋友既心情，大部份朋友都係為滿足台灣政府既移民條件嚟移民，而唔係真係想發展呢邊既市場或事業，但無論你有咩諗法都好，依家已經唔係之前hea做就能入籍既年代，要達到要求，對好多人嚟講真係一D都唔易。咁…係選擇移民方法時係咪應該再諗清楚D呢？
里奧唔係幫緊公司賣廣告，移民係一件人生大事，雖然無人會知道嚟到台灣要面對D咩新挑戰，里奧亦深信「路係人行出嚟既」，但既然移民方法唔止一個，又何必為咗要盡快達到目的而逼自己去選擇一條不適合自己既路呢？
方法，最緊要適合自己
前幾日有一個case , 公司幫緊呢位朋友辦理投資移民，但佢又心大心細想轉做創業家簽證，原因？原來佢講出邊好多風聲，加上審批時間長，佢驚會出咩問題就唔好，所以轉創業家條隊比較快。但里奧聽完佢既經驗之後，佢根本就完全附合投資條件，而生意經驗都好成熟，創業家簽證根本就唔適合佢，既然都唔適合，又點解因為想快而要勉強自己呢？
再嚟另一個case , 明明對做生意經驗未夠，仲不停問里奧意見，又問里奧呢樣生意得唔得，嗰樣生意掂唔掂？
講真，里奧都好想對每個行業都精通，里奧相信做生意經驗係要用時間去累積，而好明顯呢位朋友需要既係時間，咁點解要揀投資移民呢？點解要用一個營運壓力較大既方法去移民？一開公司就要請兩個人唔會頂唔順嗎？原來，就係想盡快達到目的「入籍」，但最後會唔會付出更大代價？
每個case 既情況都唔同，明白雖然大家好想移民台灣，就算已接受嚟到台灣後會面對挑戰，但起碼都要揀一個合適既方法，盡量將未來嚟到台灣面對既壓力降低。
雖然每日都好忙，但係今日同日希移民既Bryan 講不如抽禮拜日既時間嚟做個直播，將近期遇到既情況同大家分享一下，如果大家有問題想問，都可以係真播發問，清楚曬先決定都未遲。
6月14日 14:30 日希移民 facebook page
https://www.facebook.com/immialliance/videos/200975357729357/?vh=e&d=n
#日希移民 #里奧叔叔 #移民台灣
#投資移民
#創業家簽證
#和你live
Search